Senokgipa: Nava Thakuria
India-ni Salgro Salaram-ni Assam a·dok gimiko April 9 2026-o pu·onaniko daknasiengon, kror 2.50 bimung segatgimin manderang (ianoni lak 5.75 chadamberang/skanggipa chang pu·ongiparang) State legislative assembly-na sak 126 dilgiparangko seokna an·tangtangni bilko jakkalgen. India-ni Election Commission-ni ge·etani gitade, pu·onaniko dakna konta 48-na skang, pilak campaign ka·anirang Mongolbar attam 5 bajio matchotangaha, aro uandake ia niamrangko namedake ja·rikchina pilak candidate-rang, political party-rang, aro media dolrangko didiangaha. Ia apsan somoirangkon Kerala aro Puducherry-oba ja·rikgen, uandake Tamil Nadu-o April 23-o pu·onaniko dakanggen aro West Bengal-o salgnina pu·onaniko dakanggen (April 23 aro 29).
Campaign-rangko namen ding·chaoe ka·anirangko dakgenchimoba, pu·ongiparang uamangko naljokatgipa-chel·chakatgipa, pangkamgipa silroro-namroroaniko ra·bagipa aro mikkang nitegijagipa scheme-rangko ra·bagipako nangnikani gimin, Bharatiya Janata Party-ni dilenggipa sorkariko ba Indian National Congress-ni dilenggipa opposition-ko seokaniara uamangni jakosa ong·gen. A·dokni skotong minister Himanta Biswa Sarma neng·takgija campaign ka·anirangko dakangaha aro apsandaken opposition-ni dilgiparang jekai Assam Congress-ni dilgipa Gaurav Gogoi-ni ja·ku de·anirangko dakangaha, aro uandake May 4 tariko channani salosa pu·ongiparangni seokanirangkode u·ina man·gen.
A·doko bilsi chikkungna sorkariko chalaigipa dolrangni kosako chena ine BJP uni campaign ka·anirango adita ku·chake on·anirangko parakataha. Union finance minister Nirmala Sitharaman-ni Guwahati-o oprake on·anggipa BJP-ni 32 point Sankalp-Patra, bang·a janggi tangani cholrang baksa manderangna namgnirangko ra·bana miksongenga. Una agreba, niam gri napsrukbagiparangni (Bangladesh-ni Muslimrang) bidingo jajrenganirangko bikotenba uamangni kosako Assam-o songdongkamgiparangna chel·chakaniko on·gen ine BJP-rang ku·chake on·angaha. Una agreba, Bangladesh-oni katdobagipa niam gri songdonggiparangni bidingo kam ka·na ine Assam sorkari Immigrants (Assam-oni a·rikani) Act 1950-ko jakkalenga ine BJP-rang talatangaha, indiba ia apsan act-an batanggimin somoirango Assam-o anti-foreigner agitation (1979 oni 1985) aro National Register of Citizens-ko (2013-2019) taritaianio chu·sokgipa ong·jaha.
Soi ka·gimin pilak peace accord-rangko somoi gita ra·gatgen ine ku·chakenba, Uniform Civil Code-ko ra·gatgen aro Muslim me·asarangni Hindu me·chikrangko bia ka·na ku·chake uamangko Muslim toromo napatanirangko aro Muslim-rangni Hindurangni ba sorkarini a·arangko ra·sekanirangko champengna rakgipa niamrangko ra·gatgen ine BJP ku·chake on·angaha. Bilsi sokmangijarangko bia ka·e on·anirang aro saksana bate jik ra·anirangkoba dontongatna ja·ku de·angkuenga ineba uamang aganangaha. Batanggimin bilsi bongani gisepo lak 1.6 sorkarini chakkrirangko bikotaha aro uno manderangko mikkang nitegija seokaha ine rasong chae aganenba, re·baenggipa bilsi bongani gisepo lak 2 sorkarini chakkrirangko bikotna man·chongmotgen ine BJP ku·chake on·angaha.
Cha baganrango kam ka·giparangna a·a pattarangko aro gipin man·gnirangko Guwahati-o Prime Minister Narendra Modi-ni mikkango on·angaha. Una agreba, BJP baksa bakrimgipa dolrangni candidate-rangnaba PM Modi election-ni rally-rango bak ra·e uamangna pu·onchina jinmarangko didiangaha. Adita salrangna skangsan, Orunodoi scheme-ni ning·ao lak 40 me·chikrangna a·dok sorkari kror 3,600 tangkarangko on·ataha, jeon me·chik sakprakan jabrina chamgimin tangkarangko japrako man·aha (japrako Rs. 1,250) aro dingtangmancha Bohag Bihu-na Rs 4,000-ko on·aha. Skotong minister-ni aganani gitade, kror 17,000 ong·nasipile tangkarangko Orunodoi-ni ning·o jaanti man·enggipa me·chikrangna on·ataha.
Indake ong·engon, Congress-ni dilgipa Priyanka Gandhi Vadra, sorkariko rikenggipa bang·a dilgiparang, chong·motan skotong minister Sarma aro gipinrangni kosako ku·mitu raanirang aro election-na skang bang·a ku·chakgiminrangko chu·sokatgijanirangni bidingo manderangni tarigimin charge-sheet-ko parakataha. Ja·mano, party-ni dilgipa Rahul Gandhi, Assam-o manderangni manifesto-ko APCC-ni president Gogoi aro gipinrangni mikkango oprake on·angaha. Una agreba, Chutia-rang, Koch Rajbongshi-rang, Adviasi-rang, Matak-rang, Moran-rang aro Tai Ahom-rangna Scheduled Tribe status-ko on·anggen ine Congress ku·chakangaha. Unbaksanaba, skotong ministerni tangkarangko ong·gija dake jakkalanirangni bidingo am·sandianirangko dakani ja·mano uni kosako niamni gita ja·kurangko de·gen ineba uamang aganangaha.
Indake ong·genchimoba, ia India-ni gitchambatgipa party, Assam-ni mingsinggipa Zubeen Garg sagini obostani bidingo ja·ku de·anirangko dakgen election-o ku·chakanirangko dakahani gimin bang·a manderangan jegalanirangko dakaha. Zubeen Sagi re·anggipa bilsini September 19 tariko Singapore-o u·ina man·gijagipa obostao janggi galaha aro sorkariko rikna man·genchimode, sal 100-ni gisepon una kakket bichalko on·gen ine Congress ku·chake on·angaha. Zubeen sagini jikipa Garima Saikia Garg aro uni ma·drang-maharirang, uni rang·gitik siani obostako aro kachario mikkang pa·anirangko an·tangtangni namgnina politics-ona ra·bajachina pilak political party-rangko mol·molaha. Indake ong·engmitingo, skotong minister-ni jikgipani adita king passport donganirang aro million dollar foreign investment-rangni bidingo Congress-ni dilgipa Pawan Khera adita matnanganirangko dakangaha. Skotong minister aro uni jikgipa ka·onange uko kachario badi ka·angaha.
Opposition doloni Asom Jatiya Parishad, Raijor Dal aro uandakgiparang a·dokni manderangni BJP-ni dilenggipa sorkariko namnikgijani kosako re·e, manderangko an·tangtangna pu·onchina didianirangko dakna jotton ka·enga. Indake ong·genchimoba, badiaba constituency-rango jekai Jalukbari, jeon 2001 bilsionin, Congress-oni BJP-ona napa ja·mano Sarma election-rango chebaengachim, uarangode manderangni gisikrango dingtanganirangko nikjaenga. Congress-rang Assam-ni Saliram aro Salgipeng jolrango gipin toromrangni manderangko an·tangchi salbana jotton ka·naba gnang indiba badiaba jolrangode Badruddin Ajmal-ni dilenggipa All India United Democratic Front baksa uamang namen susagrikna nanggen. Congress-o da·o sak 26 MLA-rangsan dongaia, AIUDF-o sak 15, CPM-o saksa aro Independent saksa, aro uamang bakrime opposition doloni ong·a. Sorkariko rikenggipa dolo sak 64 BJP legislatorrang, saksku Asom Gana Parishad-ni member-rang, saksni United People’s Party Liberal-ni dilgiparang aro sakgittam Bodoland People’s Front-ni dilgiparang donga.
Adita salrangna skang, a·dokni Congress president gitcham Bhupen Bora aro parliament-ni member Pradyut Bordoloi BJP-o napangaha. Election-o susana uamangna BJP ticket-rangkoba on·aha, aro Dispur constituency-o ticket man·gijagipa party-ni dilgipa baksa susaanio Bordoloi neng·nikanirangko man·naba gnang. Ua jolo songdonggipa Jayanta Kumar Das, BJP-oni ong·katenba independent candidate ine an·tangko nominate ka·aha. Party-oni ong·katgipa Das-na bang·bata manderang pu·ongenchimode, gitcham skotong minister Tarun Gogoi-ni ka·dongna man·gipa dakchakgipa Bordoloi-de election-o chejawa. Indake ong·engon, Sarma-ni cabinet-o donggipa minister Nandita Garlosa, party ticket-ko man·jaenba BJP-ko wate Congress-ona napeaha aro Haflong constituency-oni chakatenga.
Jorhat constituency-o BJP-ni legislator Hitendra Nath Goswami aro Congress-ni MP, Lok Sabha-ni opposition-o deputy leader ong·enggipa Gogoi-ni gisepo mongsonggipa susaanirangko dakanggen. Assam-o BJP-ko da·o Congress-ni gitcham dilgiparangan chalainga, aro uni giminan BJP-ni dal·dalgipa dilgiparang party-o namedake kam ka·na man·jaenga ine adita salrangna skang Congress-ni gitcham skotong minister-ni depante Gogoi aganangaha. Gitcham RTI activist aro da·o legislator ong·enggipa, Raijor Dal-ko dilenggipa Akhil Gogoi, BJP-ni Kushal Dowari baksa Sibsagar constituency-o susaenga, jeon sorkari rikenggipa baksa bakrimenggipa AGP-ni candidate Pradip Hazarika-ba chakatenga.
Adita salrangna skang Barak Valley-o election rally-ni somoio RSS aro BJP-ni chanchianirangko bisiarigipa chipurang baksa toe aganenba uko ra·galna nanga ine janapahanina Congress-ni president Mallikarjun Kharge-ni kosako Rashtriya Swayamsevak Sangh-ni Uttar Asom Pranta badi ka·angaha.
Isolo bi·engmitingo nang·ni mikkango bisiarigipa chipu malamgenchimode, na·a bi·aniko dontonge chipuko so·otchengna nanga – ian Quran-o ge·etgimin ong·a, RSS aro BJP-rang iandakgipa bisiarifipa chipurang baksa apsana, uarangko galatjagenchimode, na·a tangjanaba donga ine Kharge-ni janapaniko badi ka·anio seaha.
Iandakgipa kattarangara kajia-golmalrangko ong·atna ama aro RSS aro BJP-na kam ka·giparang aro bakrimgiparangni kosako mitchiani, aro saknaatanirangko ra·bana ama inenba badi ka·angaha. Una agreba, indake dakanirangara Hindurang aro Muslimrangni gisepo meligijanirangko ra·bana jotton ka·ani ong·a aro iachin Assam-o tom·tomaniko jingjengatna ama aro uni a·selan election-o so·sojengjengrangko ong·atna ama ineba badi ka·anio janapaha, aro iarangni kosako authority-rang ja·ku de·jagenchimode namjawa ine aganangaha. Unbaksana, pilak manderang pu·onchina aro a·songni namgnina kam ka·na an·tangni bilko jakkalchinaba didiangaha.
Uandake, a·dokni naljokanina, jatni dakbewalna aro namroro-silroroanirangna mikpakma nie pu·onanirangko dakchina sak 200 mingsinggipa Assamese manderang jinmana mol·molaniko on·ataha. Assam-ni socio-cultural organization Pragya-ni ning·o ia dolrang ma·ambioni ong·bagipa jatrangni bimung, dakbewal aro naljokani bidingo talatanirangko dakangaha. Songsalo mingsinggiparang jekai Satradikar-rang, toromigipa Guru-rang, vice-chancellor-rang, skigiparang, ukilrang, artist-rang, ki·tap segiparang aro uandakgiparang ia mol·molaniko on·angaha. Ma·ambioni ong·bagipa dolrangko ripingna ine namedake niksamsoani gnanggipa party-ni candidate-rangna pu·onchina uamang manderangko didiangaha. Una agreba, ong·telaigipa gam-jinrang aro do·o-matrangko ripingna aro pekgipa bosturangko jakkalaniko champengna rakgipa niamrangko ra·gatchina kam ka·gipa dolrangna pu·onchinaba uamang aganangaha.
Na·simang iakoba nina man·gen:
Na·simang iakoba poraina man·gen: Assembly Speaker, gital rikenggipa Meghalaya Assembly building-ko nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Assam #adok #electionna #remikkanganio #agansamsoanirang
