Dingtang dingtang gadangrangni porikkarangna tarisamsona ine M’laya-o ‘Project ASPIRE’-ko a·bachengata

Shillong, March 30: Poraie-skie ra·anirangko namdapatna aro chatro-chatrirangko dingtang dingtang gadangrangni porikkarangna tarisamsona ine Meghalaya Sorkari Sombar salo NITI Aayog-ni dakchakenggipa kror ₹1.57-ni Project ASPIRE-ko (Accelerating Student Potential through Interactive & Remote Education) a·bachengataha.

Ia programme-ko FILO Edtech baksa bakrime a·bachengatenga aro ua dingtang dingtang biaprango, mongsongbate Ri Bhoi a·jarango namgipa gadango skie on·ani, career guidance aro coaching-ni cholrangko ra·anio chagrongenggipa neng·nikanirangko namatna ine miksongenga. Ia project-ko Skotong Minister Conrad Sangma oprake on·angaha.

Also Read

Deepika Padukone’s Pilates coach shares her hydration routine: ‘This isn’t a detox’; expert weighs in

‘Possible Nuclear Weapon Use In Iran’: UN-Linked Diplomat Raises Red Flag, Announces Suspension of Duties

‘Their Forums Are Their Own’: Iran Rejects Pakistan’s Mediation Claim

Plugin developed by ProSEOBlogger. Get free gpl themes.

Project ASPIRE-ara ge·gni module gnanggipa digital cholko ra·e skie ra·ani ong·a jean skulo napgipa chatro-chatrirangna aro kamrangko sandienggipa manderangna app-ko jakkale poraiani aro kamrangko man·anina dakchakaniko on·enga.

Ia project-o, Klas 9 oni 12-ona, board-ni porikkarang aro dingtang dingtang susaanina porikkarang jekai NEET, JEE aro CLAT-na tarisamsoani cholrangko on·a. Iani  ning·ao konta 24, antio salsnina poraianio dakchakaniko on·a jeon chatro-chatrirang minute-sani gisepon skigiparangni dakchakaniko am·na man·a. Iani ning·ao poraianirang Meghalaya Board of School Education-ni curriculum baksa melie tarigimin ong·a aro klas-rangko ra·anichi, lessonrangko chipe ra·anichi aro lak 1-na bate sing·anirang gnanggipa question bank-ko on·anichi dakchakanirangko on·dapa.

Skulrango jaanti skie ra·anirangko nianirangko dakanggen, aro dakchakaniko nangenggipa chatro-chatrirangko u·ina gita a·japrakon nie nianirangko dakanggen. Una agreba ia project-ni ning·ao career counselling session-rangko ong·atronggen.

Klas 12-ko matchotgimin chatro-chatrirangna, gnigipa module sorkarini chakrirang jekai banking, railways aro SSC-na tarisamsoanirangko dakna dakchaka. Iano klas-rangko napna aro chipe ra·gimin klasrangko nipilna cholrangko on·a baksana AI-based feedback aro test series-rangkoba on·a. Uandake, manderangni gisik nanganiko batatna ine taning sakselatna kal·anirangkoba iano on·chapaha ine official-rang aganangaha.

Secondary gadango, mongsongbate songrango, dingtangmancha skie ra·gimin skigiparang chu·ongjaenga, coaching ra·ani cholrang komia, aro janggi tangani dingtang dingtang cholrangni gimin u·i-ma·siani dongbreja ine neng·nikanirangko nike ia cholrangko a·bachengataha.

Ia programme-ni dakchakanichi skie ra·anirango neng·nikanirangko seng·gnang u·ina man·gen aro uni kri dakchakaniko on·na man·gen aro unbaksana a·dok gimiko dingtang dingtang gadangni porikkarangna tarisamsona cholrangko on·na man·gen ine ka·dongsoenga.

Na·simang iakoba nina man·gen:

Na·simang iakoba poraina man·gen: Ri-Bhoi a·jani Maikhuli songo adita manderangko doke saknaata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub