Shillong, Apr 9: Umiam warini Lumpongdeng chichango tourism-ni project-rangko ka·anirangko, sorkari dontongatjahanina ba ra·galjahanina Green Tech Foundation Meghalaya, Bristibar salo secretariat-ni mikkangona re·ange okumu chake jegalanirangko a·bachengataha.
“Chinga niamni kosako mamung kajia-golmalrangko dakjaenga indiba Lumpongdeng chichangko nosto ka·anikosa raken jegalenga,” ine foundation-ni Chairman H Bansiewdor Nonglang parakatenba, uamang a·dok sorkarina iani bidingo sedoataha aro nanggipa authority-rangko grongeaha ine aganangaha.
Uandake jegalaniko dakgiparang soroko re·ruraenggipa garirangna neng·nikanirangko on·enga ine authority-rang matnangon, jegalaniko dakgiparang bus-rangko soroko donja ine Nonglang aganchakenba, iani gisepo uamangko maikai dos galenga ine sing·doangaha.
Lumpongdeng chichango Taj Umiam Resort & Spa-ko rikanichi samtangtangna rusianirangko ra·bagen ine Green Tech Foundation jegalanirangko dakenga.
“Chinga ia project-kode jegaljaenga, indiba ia project-ko Lumpongdeng chichango daknabe inesa aganenga maina ian Umiam Warini jatchio ong·a, aro na·simang indita jrimbegipa kolrangko chichangona maikai ra·bagen aro chichangko nosto ka·gen?” ine Nonglang sing·doaha.
“Ia project-ko ra·galchina chinga sorkarina sedoaha, chinga acre 66 chu·gimikode ia project-ko dontongchina dabijaenga, indiba Lumpongdeng chichangko on·gipa acre 36-kosa dontongatchina aganenga,” ine Green Tech Foundation-ni Secretary General Ritre Lyngdoh-ba aganangaha.
Uandake, Nonglang-ko police-rang rim·genchimoba ba patoko dongenchimoba okumu chake dabianirangko dakangkugen ine Nonglang an·tangan parakataha.
Indake ong·engon, jegalaniko dakenggiparang Lumpongdeng chichangoniko ia project-ko aro contract-ko ra·galgen ine sorkarini see on·aniko dabienga aro iako dakjana kingking uamang okumu chakanirangko dontongatjawa ine Nonglang agandapangaha.
Na·simang iakoba nina man·gen:
Na·simang iakoba poraina man·gen: JJM-ni bangki cr 900 groko sorkari gamgnok
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Lumpongdeng #chichangni #projectko #ragalchina #secretariat #mikkango #jegalanirangko #dakanga
