Tura, April 6: Easter Monday-ko maniani salo West Garo Hills a·jao sakgni manderangni chio sripe siani obostarangko nikna man·aha. Easter-ni salgipino manderang picnic-rangko cha·ronga aro nokdang baksa tom·bimonganirangko dakronga, indiba ia chango damgni dingtang dingtang biaprango sakgni chadamberangni chio sripe sianichi ia kusi ong·e maniani somoio dukni sokbaaha.
Skanggipao, Dakopgre-ni MeECL Complex-o songdonggipa bilsi 14 ong·gipa chatro Tura-ni sepango donggipa Sela wari-o chi jromitingo sripe siaha. Ua an·tangni ripengrang baksa picnic cha·na ine re·angaha aro attamni 4 bajimango chiona ong·onaha indiba unoni nadobajaha ine koborrangko man·aha.
Una agreba, Jengjal-ni Rongdep Adinggre minggipa biapo songdonggipa bilsi 18 ong·gipa Dedan D. Sangma, Jengjal-ni Damring chibimao jroengmitingo attamni 3 bajimango chio sripe siaha. Koborrangko man·soani gitade, police-rangni sokangna skang sianggipa mandeni ma·drang-maharirang uni manggisiko chioniko ra·doaha aro biaptang dingtangona rimangaha.
Apsan salon, Selbalgre songo, Mahindra pick-up bolsa mande sakgniko salpake donangaha aro uamang namen saknaanirangko man·aha. Dos dakgipa mande gariko sale katangaha, aro da·o iani bidingo am·sandianirangko dakenga.
2026 bilsini Easter-ko manina skang manderangko naljoke aro mikrake dongchina, chi tu·arangona jroangjachina aro chibima rikamrangoni kraa gita chel·ao dongchina district administration jinmarangna u·iataniko on·atahachim. Ia mikrakatanirangko on·atgenchimoba, iandakgipa obostarang ong·anichi manderangni picnic cha·na re·ronggipa biaprango kenani gnang ine nikna man·enga – aro batanggimin salrangoba ia biaprango iandakgipa a·selrang ong·angaha.
A·sel ong·gnirango dakchake on·gipa dingtang dingtang dolrang jekai SDRF team-rang, Apda Mitra volunteer-rang, aro uandakgipa dolrang a·jani dingtang dingtang biaprango dongtimaha. Indake ong·genchimoba, iandakgipa obostarang ong·taitaianichi simsakani cholrangko bilakbatatna, manderangni gisepo mikrakatanirangko on·na aro namen kengnigipa biaprango nitimgiparangko bang·bate dongatna nangenga ine u·ina man·enga.
Ia a·sel ong·anirango sianggipa manderangni manggisirangko Mongolbar salo Tura Civil Hospital-o post mortem ka·anggen.
Na·simang iakoba nina man·gen:
Na·simang iakoba poraina man·gen: Salgro Salaram-o Buddhist tourism-ko namdapatna ine NEITC, ABTO baksa MoU-ko soi ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#WGHo #Easter #Mondayo #asel #onganirang #Sakgni #chio #sripe #sia #sakgniko #gari #salpaka
