Tura, Mar 2: Garo Hills Autonomous District Council (GHADC) election-o susana gita Scheduled Tribe (ST) certificate-ko nangtelgipa ong•atna tik ka•ani ja•man, 17-Balachanda constituency-ni gitcham MDC Sofior Rahman-ba iako jegalatenba, Garo Hills-de niam gita chengoni songdongbaenggipa pilak jatrangnin ong•a aro darangba Garo Hills-ni biaprangko a•kangna man•ja ine parakataha.
GHADC election-o susana gita ST certificate-ko nangtelgipa ong•atani bidingo Rongrong MDC Rinaldo K Sangma-ni talataniko on•angani ja•man, Balachanda constituency-ni gitcham MDC Sofior Rahman, iako raken jegalatskaaha.
Iani bidingo seachi u•iatengon, Indian Constitution-ni Sixth Schedule ning•o songe on•gipa GHADC-ni bilrangni gimin kakketko ma•sie ra•na nanga ine Rahman parakataha.
Sixth Schedule-ni ning•o on•gimin niamrangni gimin janapatengon, ian Autonomous District Council (ADC)-rangna Tribal-rangni daka rikani aro a•a-chiarangko chel•chakna jakgitelanikosan on•aia indiba Constitution-ni kosako bilko on•nade ong•ja ine Rahman parakataha.
“District Council-rangko constitution-ni dongimin niamrangosa chalaia aro niam gita songdongenggipa pilak jatrangni bilrangkon mande ra•na nanga,” ine Rahman janapataha.
Sixth Schedule-ni Para 2 aro 3-ni bidingo janapatengon, District Council-rangara, a•a-chia, jatni daka rikani aro jatni sason ka•anio niamrangko tarinasa bilko man•a indiba political-ni kamrango bak ra•aniko champengna gitade ainni gita pangchakani dongna nanga ine gitcham MDC parakataha.
Indian Constitution-ni ning•o a•songo songdongenggipa manderangna on•gimin bilrang, jekai Article 14, Article 15, Article 19 aro Article 326-ni giminba ua janapangaha.
1952 bilsio GHADC-ko songchengaonin aro 1972 bilsio Meghalaya a•dokko man•chengaonin Garo Hills-o dingtang dingtang jatrang apsan meli-nangrime songdong a•chaenga ine janapatskaengon, chengonin Garo Hills-o Tribal ong•gijagipa aro A•chik ong•gijagipa manderangba apsan songdong a•chabaaha aro Garo Hills-ni namroro silroroanina on•giltokpaaha ine Rahman parakataha.
Na·simang iakoba nina man·gen:
Na·simang iakoba poraina man·gen: Garo Hills-o MSSDS-ni gnigipa recruitment drive-ko ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Garo #Hillsde #niam #gita #songdongenggipa #pilaknin #onga #ine #gitcham #MDC #akanga
