Tura, March 19: Re·baenggipa Eid-o manianirangko ong·atna skang, a·jani dilgiparang, senior magistrate-rang, a·jani police-ni dilgiparang aro central armed police forces-ni sipairang baksa tom·bimonganiko dakenba adita salrangna skang ong·gimin obostarangni bidingo am·sandiani, nitimanirangko dakna kamrangko sualatani aro tom·tomani aro naljokaniko rakkina chanchisamsoanirangko dakangaha.
Uandake uamang a·jani aro ma·mongoni police dolrang bakrime ja·kurangko ga·ani, Eid-o a·sel ong·anirangko champengna nirokani, kajia-golmal ong·na altugipa biaprango magistrate-rangko dongtimatani aro manderangna koborrangko on·nanirangko dakani, aro tom·tomaniko rakkia baksana tol·e jangbingbanggipa koborrangko champengani cholrangni bidingo chanchisamsoanirangko dakangaha.
Songdonggipa manderangni bakrimanichi, pil·nipil tom·dake bi·anirang aro tom·tomanina chanchirimanirangko ong·ate dakchakanichi kajia-golmal ong·gipa biaprango da·ode obostarang namenga ine official-rang parakataha.
Una agreba, adita salrangna skang Shyamnagar-o mondolini dilanichi agangrikanirangko dakanian namen dakchakani ong·aha, jeon jatgnini dilgiparangan nama ramaona re·bana aro kajia-golmal ong·angkugnirangko champengna ku·chake ra·angaha ine official-rang agandapangaha.
Da·o internet-ko watpilengahani gimin, tol·gipa koborrang aro jangbinganirangna mikrake dongchina aro official channel-rangnasan ka·dongaichina administration aro police-rang manderangko mikrakata baksana kakketgipa koborrangko am·sandina control-room aro thana-rangni number-rangko on·ataha. Obostarangko nirokatanirangko dakangkuenga ine aganenba, ka·dongna man·gipa cholrangoniko kakketko sandichina ine authority-rang manderangko mol·molataha.
Walni somoirango curfew-ko ong·atangkuenga aro police aro uandakgipa dolrang salantian obostarangko nirokangkuenga. Kajia-golmal a·bachengatgipa manderangko champengna aro jinmarangko naljoke rakkina a·jani aro ma·mongoni sipairangko nitimatanirangko dakengkua. Unbaksana, curfew-ni somoirang ba gipin nanggipa dakna nanggnirangni bidingo u·iatgen ine authority-rang manderangna ku·chake on·angaha.
Na·simang iakoba nina man·gen:
Na·simang iakoba poraina man·gen: Assam election-na skang Assam-M’laya a•dokni official-rang tom•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Eid #ongna #skang #ajao #simsaknirokanirangko #District #Administration #piltaie #nianga
