Guwahati, Apr 19: Me·chikrangna naljokanirangko on·na man·ja aro Parliament-rango me·chikrangna 33 percent biapko kanggipa Women’s Reservation Bill-ko ra·gatningja ine Robibar salo, Assam Pradesh Mahila Congress (APMC)-ni president Mira Borthakur, a·songni President Narendra Modi-ko matnangataha.
Iani bidingo Guwahati songjinmani Rajiv Bhawan-o kobor ra·timgipa manderang baksa agangrikengon, a·songni Prime Minister, bang·a changon an·tangni aganprakanirango Congress dolko matnangronggenchimoba, ua an·tangan me·chikrangni namgninade maming kamko ka·jaenga ine Borthakur matnangataha.
Adita salrangna skang, Manipur aro Hathras-o ong·anggipa a·selrangni gimin janapatengon, me·chikrangni kosako ong·gija dakanirangko nikna man·engoba a·songni Prime Minister, maming ku·rangko on·jaha ine Mahila Congress-ni president matnangataha.
2023 bilsio pass ka·gipa Women’s Reservation Bill-ko ra·gatningjahani gimin Prime Minister-ko sing·doatskaengon, ia Bill-ara Parliament aro Assembly-rango me·chikrangna 33 percent biapko donani niam ong·ani gimin me·chikrangba Parliament aro Assembly-rango bak ra·giparang bang·batgnokchim ine Borthakur parakataha.
Assam aro Jammu & Kashmir gita dakgipa biaprango constituency-rangko name sualpiltaijani giminba ua ma·mong sorkariko matnangataha.
Ru·utatchae donggija Women’s Reservation Bill-ko ta·raken ra·gatchina gitaba ua dabiangaha.
Na·simang iakoba nina man·gen:
Na·simang iakoba poraina man·gen: Tripura-o election-ni result-rangko parakata ja·man Khowai sub-division-o so·so jengjeng a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Womens #Reservation #Billko #ragatningja #ine #Mahila #Cong #PMko #matnanga
