Guwahati, April 20: Abhi-Neelko dokgrime siatani bichal; Sak 20-ko dos galonaha, sak 25-ko wataha.
Assamko jingjengatgipa ka•namgija a•sel bilsi chetmang ja•man, Nagaon-o District & Session Court Sombar salo bichalko parakataha, jeon 2018 bilsio Abhijit Nath-Nilotpol Das sakgniko jinma dokgrime siatani bidingo sak 20 manderangko dos man•aha, chu•onga sakkirangko man•jani gimin sak 25kode wataha. Sastini rokomkode April 24 tariko parakatna manchiaha.
A•sel ong•ani tarik June 8 2018 bilsio, jeon Abhijit Nath aro Nilotpol Das, Guwahationi sakgni me•asa damberangko Karbi Anglong district-ni Dokmora police station ning•o donggipa Panjuri Kachari songo jinma dokgrime siataha. Jinma dokgrimani a•selara uamangko bi•sa rim•srukgipa ine jangbingbanganichi ong•aha – unomiting indakgipa ma•sisretani social media-o ta•raken gipjokchim.
An•tangtangko changni chang talate on•oba aro ka•sachakchina mol•molbehaoba, jinmani mikkangon sakgniko dokgrimaha. Ua ka•namgija a•sel ong•ani video ja•mano online nakataha, jekon a•dok gimik jegale ka•a nangtokaha.
2018 bilsio jinma dokgrime siataniara a•dokgimikon jegalaniko ong•ataha aro u•isretaniara kenbegnigipa aro kotokko chanchisretatgipa ine gisikra•atpilaniko on•aha – je skiera•anikon da•alomangba naata.
Bilsirangna sandie bichal ka•anio, sakkirangko sing•sandianio aro niam gita am•sandianio, kachari sak 20 manderangko Indian Penal Code-o dongimin dingtang dingtang niamrang jedake so•otani, niam gri jinma tom•ani aro kaji-golmalko ong•atanirango pangchake dos man•aha. Indake ong•oba, sak 25kode uamangni kosako dos potanirangna mangrakgipa sakkirangko man•jani gimin wataha. Gipin case-rango uamang jak dongjaode watgimin manderangko jakgitelatchina kachari ge•etaha.
Bichal on•anio pangchake sorkari ukil indake janapaha, “Sak 45-oni, sak 20-kode dos man•aha. Sastini rokomkode April 24-o parakatgen. Am•sandie bichalmitingode chingo sakkirang aro potchipgiparang bang•achim indiba dos gri ine watgiminrangoni bang•batan sing•sandianio bakrimjaha, kattarangko jujaataha – sakki man•jani gimin wata inesrangde ong•ja.”
Bichal on•aniko sianggipa sakgni manderangni nokdangrang chu•ongnikgijani bidingo sing•on, ua aganaha, “Uamangni dedrangko uamang gimaataha, uamangni duk-saknaaniko ma•sichaka. Charge-sheet-ode sak45 dos potgiparangkon man•gopachim aro police-ni sandia gitan chinga ja•rikachim. Sakkian case-ni asol. Mitam sakki on•anirang kachario mangrakjaha, indiba name che•eme sandianiko dakesa honorable court uni raiko on•aha.”
Abhijit aro Nilotpol-ni nokdangrangnade ua bichal on•aniara dongtokalani aro suk ong•gijani minggnikon ra•baaha. Mitam dos dakgiparangko kakket bichalona ra•bahaoba mitamde dos gri ine watako man•ahani gimin chubata kachariona ra•angna uamangna cholrang gnang.
Na·simang iakoba nina man·gen:
Na·simang iakoba poraina man·gen: Manderangni jegalanirangko knachake Lumpongdeng project-ko dontongatna sorkari tik ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Bilsi #chet #niamo #dakgrikani #jaman #bichal #sastini #rokomko #april #24o #parakatgen
