Bilsiantian February aro April jarangni gisepo Salgro-salaram a•brini districtrang jolgimikon a•ba so•grimtoka. Uachin balwani rokomko nosto ong•ata ine ru•utbeaonin talsrangede u•ijaha. Gital am•sandianichi da•osa name talaha.
Senokgipa:Urmi Bhattacharjee
Guwahati, April 23: A•ba cha•ani jekon jhum cultivation ina, uara a•brirangko wa•al so•e wal•kuatanichi wachi karina skang balgipa balwa namgijako ritchaprako 27 ong•ata ine satellite data aro atmospheric modeling-o pangchake am•sandianichi nikna man•a.
Ia nikaniko Meghalaya-ni West Garo Hills jolrango a•ba so•gipa biaprangoniko mejamangmang sandirikkote nie Atmospheric Environment bidolo (journal) aro Science Direct-o chapa ka•aha.
Am•sandianio mesokani gitade, ua karirango balwa namgijaniara skangonin ka•sinsin bariroroa ine ong•ja. A•brini districtrango je somaion bang•a a•barangko damsan so•grima unon balwani rokomko dikdiksana ta•raken namatja. Tanggitik wal•kumika agreani a•selsa dikdiksana balwa namgijako ong•ata ine uarangko rim•a man•aha, kari gimik dongkamgipa balwa namgijani aramde ong•ja.
A•ba so•chichamiting somaio, kenbegnigipa bisemsemrang (PM2.5), gipin balwarang jekai carbon monoxide aro nitrogen oxides baksa tang•dopreta. Am•sandianio indakeba nika je a•ba so•tokmitingo bangbango wal•ku namgijagipa chang 15.6 oni 17 ona tang•doa, uani a•sel ka•sopo napgipa bisemrang a•ba so•gija karirangona bate chang 9 oni 10 ona bata ine Science Direct-o chapa ka•aha.
Jeko skango manderang balwa namja ine ramramsan u•ia uako ia am•sandie nikanichi tona man•pile taldapata. A•ba so•aniara chengonin agalmakani wal•kuko karitango ong•ata ine u•ioba ia am•sandianiara badita gadangona aro maimancha somaio sokate baditana ritchaa wal•kuko biapsao skonge dongata aro karitango apsankon ong•ata uarang mingantiko talata.
A•ba cha•ani bewalkoba dingatenga ine am•sandigiparang nika.
A•ba o•e cha•ani baririkani a•sel adita jolrangon a•breng done cha•anikoba bakkandikataha. Apsan a•barangkon o•e cha•taitaiani gimin karisaon a•ba so•aniba bang•bata. Uan wal•kumikaniko bariata aro wachi karina skang balgipa balwa bisem namgijako tom•dakata.
Salgro-salaram jolgimikon, Meghalaya-ko man•chape, wa•al so•ani wal•ku balwa namgijako gipatenga ine kosakoni nione sandiani noksarang mesoka. Apsan somaion a•ba so•grimani a•sel, tim•dakgipa wal•kuko bangbango ong•ata aro balwako namatja.
Biap manchao donge nirokani komia
Bang•bata a•brini district-rangon balwani rokomko pangnajolna nisime niani dongja, uni a•selan karitango tanggitik ong•aniko official data-o giseposan chiprikna man•aia. Unigiminsa ua jolrango an•seng-baljokani bidingo see-rakkianirangba komia, indake ong•oba indakgipa balwa namgijaniara ka•sop aro ka•tongni saa-biatirangko ong•ata inede a•gimikon saki man•skaa.
Apsan somaion, Meghalaya, Nagaland aro Mizoram a•dokrango, jerangon a•bri-a•kong aro silang-dare bang•a baksana gipinko ge•e game cha•na altuaja, uarangode a•ba o•e cha•anian mongsong ong•kuenga.
Am•sandigiparangni aganani gitade uamangni nikanira a•ba o•e cha•aniko jegalade ong•ja indiba dingtanggipa obostarangko mesokani gitasa ong•a. Uamangni didiani gitade, dakna nangbataniara a•ani kri gama-ge•aniko dingtangatani, a•ako namdapani, aro nirokaniko apalbatatanian ong•a.
Bilsi antian a•brirango wa•al chadoako niksimaigipa a•janade ia am•sandianira rongtala noksako mesoka.
Kari antion bang•gija antirangnade ua wal•kuara balwa namgijaniko bakbrini baksana baten ong•atenga, wa•al so•chichamitingode baditaba gadang batpile balwa namgijako naatenga. Uako da•ode tona man•engjok, chanchichipe aganisan ong•aijajok.
Na·simang iakoba nina man·gen:
Na·simang iakoba poraina man·gen: Aquaex Northeast-ko ong·atani bidingo jinmana parakatna kobor ra·timgiparang baksa tom·aniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Aba #soanian #wachina #skang #balgipa #balwa #namgijako #Salgrosalaram #jolo #ongata #ine #amsandianio #nika
