Shillong, May 9: Meghalaya-o manderangko togie cha∙gipa online investment app “Global Media App”-ni bidingo am∙sandianirangko dakna ine Directorate of Enforcement (ED), Shillong Sub-Zonal Office, Kror ₹1.06-mangni gam-jinrangko jako ra∙aha.
Iandakgipa bewalo manderangko togiengon, gital napenggipa manderangni tangkarangko gitcham napsogimin manderangna lap dake on∙skaanirangko dakenga ine potchipenba Prevention of Money Laundering Act-ni (PMLA), 2002-ni ning∙ao badi ka∙e sandianirangko dakangaha.
ED-ni aganani gitade, “Global Media App”-ko jakkale manderangko togie cha∙enga inenba East Khasi Hills a∙jao donggipa Madanrting Police Station-o FIR ka∙anio pangchake am∙sandianirangko a∙bachengataha.
Advertistement video-rangko nianina salanti tangkarangko gamskagen ine togie app-ko chalaiaha ine am∙sandigiparang matnangaha. Iani ning∙ao tangkarangko game bak ra∙gipa manderangko bang∙bata tangkarangko man∙gen ine ku∙chakenba VIP membership-rangko bree bate koros ka∙china didiaha.
Togie cha∙gipa manderang a∙song gipinni mobile number-rangko jakkale Telegram channel-rang gita ia app-ni gimin manderangna gipataha aro bank, UPI aro cryptocurrency wallet-rang gita tangkarangko ra∙chaksiaha. June 3, 2022 aro October 12, 2022-ni gisepo ia app-rangko chalaiaha aro uni ja∙mano rang∙gitik dontongatenba, matnangako man∙gipa manderang tangkarangko ra∙e katangtokaha.
Da∙ona kingking ia scheme-ni gita man∙gipa tangkarangko kror ₹45.33mang ong∙nasipile rim∙a man∙aha ine am∙sandigipa dolrang parakataha. Tangkarangko watrurana jakkalgipa bang∙a bank account-rang, merchant ID-rang, tangka gamani account-rang aro crypto wallet-rangkoba am∙sandie man∙aha.
ED-ni parakatani gitade, TRON blockchain network-o USDT (Tether) minggipa cryptocurrency wallet-ko jakkalenba bang∙a tangkarangko watruraaha. Uandake am∙sandigipa dolrang tangkarangni bidingo am∙sandina ine bankrang, payment gateway-rang, Google, Telegram aro cryptocurrency jakkalgipa cholrangoniko sandirikkitanirangko dakangaha.
Una agreba, Telegram channel-rangko chalaina jakkalgipa mobile number-rangara Cambodia aro Malaysia-oni ong∙a aro ia app-na jakkalgipa Gmail account-rango janapgipa a∙songo Cambodia-ni bimung donga inenba, a∙songni a∙palchini manderangba ia togie cha∙anio jak donga ine ED aganangaha.
Uandake, manderangko niam gri togie cha∙gipa tangkarangoni kror ₹2.45-mangni gitade gipin a∙songrangoni cryptocurrency jakkalani cholrang gita USDT token gita watgipa ong∙a, aro da∙o iani bidingo sandirikkitanirangko dakangkuenga ineba am∙sandigipa dolrang agandapangaha.
Na·simang iakoba nina man·gen:
Na·simang iakoba poraina man·gen: Umroi Airport-ko dal∙dapatna kror 80 tangkarangko chamma, Shillong bypass-oni ramako tarianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Global #Media #Appko #jakkale #Mlayao #manderangni #tangkarangko #togie #chaanina #amsandianirangko #daka
