Guwahati, May 24: Assam a∙dokni Lakhimpur minggipa biaponi Rupamoni Gorh, a∙gilsakni chubatgipa a∙bri Mount Everest-ko gadona skanggipa Assamese me∙chik ong∙aha.
Indo-Tibetan Border Police Force-ni sak 11 me∙chikrara membor-rangko a∙bri dona rimdilanio Gorh ba saksa ong∙a. Uamang May 21, 2026-o South Col route gita a∙bri kosakona sokaha, aro ian ITBP-ni me∙chikrara skanggipa changna Everest-ona gadoani ong∙a.
Ia a∙bri doanio Assam-ni Bhanita Timungpi dilgipa ong∙aha, aro uandake a∙dokna mikkim-rasongko ra∙baaha.
Assam-ni skotong minister Himanta Biswa Sarma Gorh-na an∙tangni nama skaniko on∙aha aro uni chu∙sokani Assam-na namen rasong chaani ong∙a aro ian gipin chadamberangnaba didianiko on∙a ine ua social media X-o seataha.
Assam Congress-ba Gorh-ko uni chu∙sokanina mitele, uni chu∙sokaniara Assam-nasan mikkim-rasongko ra∙baaija indiba Salgro Salaram gimiknan ong∙a ine aganaha.
“Lakhimpur-ni demechik uni ka∙donganichi, chakchikanichi aro krenganichi ia dal∙begipa chu∙sokaniko man∙aha. Uni chu∙sokani mikkangchini chadamberangko dal∙dalgipa jumangrangko nikna, aro uarangko chu∙sokatna rake kam ka∙na didianiko on∙gen,” ine uamang parakataha.
Koborrangko man∙soani gitade, sak 11 mechikrang donggipa chu∙gimik sak 14-memborrangni team, namen sin∙begipa, skonggimin chirara dakgipa aro oxygen komigipa kengnibegipa biaprangko re∙enba 8,000 metre-rangko doe a∙bri kosakona sokaha.
Uamang adita jarangna tarisamsoanirangko dakani ja∙mano April 19 tariko a∙briona doangna a∙bachengaha aro “Clean Himalaya – Save Glacier” campaign-ni ning∙ao a∙brioniko jabolrangko chimonge samtangtangko rongtal-an∙tale donna nanganiko manderangna mikrakataha.
“Brahmaputra rikamoni Everest-ni ku∙chotona, Rupamoni-ni chu∙sokani Assam-na aro Salgro Salaram-na rasong chaaniko ra∙baaha,” ine Assam-ni gitcham minister saksa aganaha.
Na·simang iakoba nina man·gen:
Na·simang iakoba poraina man·gen: Mikka balwa ta·rakanichi bolrang be·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Lakhimpurni #Rupamoni #Gorh #Assamese #mechikrangoni #Everesto #gadochenggipa #onga
