Shillong, Apr 29: Meghalaya a∙doko LPG, petrol aro uandakgiparang chu∙ongen donga aro manderangna uarangko dondikgija on∙na man∙enga ine Oil Marketing Company-rang aro a·dok sorkari Budbar salo press conference ong·atani somooi parakataha.
Ia press conference-ko PIB Shillong Department of Food, Civil Supplies & Consumer Affairs ong·atangaha aro uno Oil Marketing Companies (OMC) Meghalaya-ni State Level Coordinator, Sashwati Mudoi; Indian Oil AOD State Office-ni Chief General Manager, Amarjyoti Bordoloi; aro Meghalaya Sorkari-ni Food, Civil Supplies Department-ni OSD, Shai Kupur War parakatanirangko dakangaha.
Uandake, dingtang dingtang cholrangchi, pil·nipil nirokatanirangchi aro OMC-rang aro A·dok sorkarini gisepo bakrime kam ka·anirangchi Meghalaya-o chu·onga gita LPG, petrol aro uandakgiparangko chimonge done manderangna on·na man·enga ine uamang aganangaha.
Meghalaya-o dam 334 retail outlet-rang donga – ianoni IndianOil dam 205, dam 43 Bharat Petroleum-ni, dam 72 Hindustan Petroleum, aro dam 14 private outlet-rang ong·a. “Da·o dongenggipa petrol-rang sal 25mangna aro diesel sal 46-mangna chu·onggen,” ine official-rang aganangaha. Uandake, pilak retail outlet-rangan pala-sim·anirangko mamung champengani gri dakna man·enga aro January-March 2026-ona pangna gitan kamrangko chalaina man·enga inenba songdonggipa manderangko kenjagoke breanirangko dakjachinaba uamang mol·molangaha.
LPG sector-o, a·doko dol 66 LPG badinggiparang donga aro uamang lak 3.7mang manderangna dangdike on·enga. “LPG cylinder-rang chu·onga gitan donga, aro bon·chongdikanirangko da·ona kingking knakuja. Salantio ge 4,103 LPG-rangko brae on·enga aro sal-5rangni gita booking dongsogiminrangko da·o ka·e on·enga,” ine official-rang parakataha.
Da∙ororo bang∙bata manderangan digital cholrangko jakkalbatenga, uandake LPG booking-rango 83 percent de digital platform-rangko jakkale ka∙giminrang ong∙a, jagnina skangmangmangde 68 percent-an ong∙aiachim ine official-rang talatangaha. Delivery Authentication Code-ko (DAC) jakkalaniba jagnina skang 36 percent ong∙aoni 67 percent-ona tang∙doaha ineba uamang aganangaha.
Pradhan Mantri Ujjwala Yojana-ni ning∙ao, digital booking aro DAC-ko name jakkalna man∙na gita eKYC-ko matchote dakchina a∙dokni lak 1.7 beneficiary-rangna didianiko on∙ataha. LPG badinggiparangba nokprakprakona re∙e iani bidingo agan-parakatanirangko dakenga.
2026 bilsini March jao PMUY refill-ko jakkalani salantio 1,942-mang ong∙aha.
LPG-ko bang∙e jakkalna nanggijagipa nokdangrang, hajira kam ka∙giparang aro chatro-chatrirangna dakchakna ine kg 5-ni LPG cylinder-rangko on∙na a∙bachengattaienba, March 2026-o rong 4,878-ko palaha, aro April 1 tarik, 2026-oni rong 4,780-ko palaha.
Uandake, commercial LPG-ko India sorkarini niamo janagimin gita 70 percent-ko rakkienga, aro mongsonggipa sector-rang jekai hospital-rang skichakram biaprang, sipai aro uandakgiparangni dongchakramrang, railway-rang, sorkarini office-rang, hotel-rang, restaurant-rang aro karkanarang-ni canteen-rangna mongsongbate on∙anirangko dakenga ine official-rang parakataha.
Songjinmarango LPG cylinder-rango pangchakanirangko komiatna ine Piped Natural Gas-ko apalbatatanirangko Indradhanush Gas Grid Limited (IGGL) jako ra∙e kamrangko ka∙enga.
“Energy-ko man∙ani gipin cholrang jekai CNG badinganirangko gipatnaba ja∙kurangko de∙enga, aro da∙o a∙doko dam 52 retail outlet-rang donga.
Salgro Salaram-o LPG jakkalanirangoni 60-70 percent-de joltangni refinery-rango tarigipaan ong∙a, aro da∙o dipet japrako 2,700 metric ton-rang jakkalaoni 1,400-1,500 metric ton-rangkode joltangonikon man∙enga ine Bordoloi parakataha.
LPG-ko manderangona sokatanirangko dingtang dingtang cholrang aro chimongchakanirangko jakkale sal 10-12-na chu∙ongna gita donenga inenba, LPG bottling plant-ko Ri Bhoi-ko rikenga aro ia bilsini bon∙angachipak matchotgen ine ka∙dongsoenga ineba ua aganangaha.
“A∙dok sorkari, Civil Supplies Department, aro OMC-rang tom∙bimonganirangko ong∙atrongenga, aro district-level committee-rang cylinder-angni sokbaani aro manderangna sualatanirangko nirokatenga. LPG salantio badita bang∙a, uarangko state control room-ona report tarie on∙atenga, jedakode namedake somou gita nirokanirangko dakna man∙gen,” ine Bordoloi aganangkuaha.
Cylinder-rangko bredame aro niamni a∙palo jakkalanirangko champengna, Essential Commodities Act, 1955-ni ning∙ao niamrangko ja∙rike kam ka∙enga aro on∙gimin ge∙etanirangko ja∙rikgija badinganirangko dakgiparangni kosako rakgipa sastirangkoba on∙enga ine ua agandapangaha.
Uni gimin, ka∙dongna man∙gipa koborrangkosan knachakchina, tol∙gipa kattarangko gipatjachina, LPG booking-rangna digital platform-rangko jakkalchina aro energy-ko name simsake jakkalchina dilgiparang manderangna didianiko on∙ataha.
Na·simang iakoba nina man·gen:
Na·simang iakoba poraina man·gen: Ge 7 Assembly komittirangko Megahalaya Speaker songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#LPG #aro #petrolrang #adoko #chuongen #donga #manderangko #kenjagokjachina #sorkari #didia
