Shillong, May 12: Ri Bhoi a•jani Bhoirymbong-o Sai Lum minggipa Eri Yarn Manufacturing Unit ba eri kilding tariani karkanako Sombar salo, Meghalaya a•dokni Chief Minister Conrad K Sangma oprake on•angaha.
Ia karkanako oprake on•anganio a•dokni Chief Minister aganprakangengon, Meghalaya a•doko bilsiprakon metric ton 700-mangni gita eri jo•ongrangko jile man•engani gimin a•gilsako eri jo•ong jilgiparangoni gnigipa ong•enga indiba eri kildingrangko gipin biaprangosa dol•engani a•sel eri jo•ong jilenggipa manderang, dam komiao eri jo•ongrangko pale, apsan kildingkon dam rakbate breskana nangenga ine an•tangni suk ong•gijaniko parakangaha.
Ri Bhoi a•jao ia Sai Lum Eri Yarn Manufacturing Unit-ko kulianichi ia neng•nikaniko namatna man•gnok ineba ua an•tangni ka•dongchakenganiko parakangaha.
Ri Bhoi a•jao sak 7900-mangni gita eri jo•ong jilgiparang aro sak 4760-mangni gita ba•ra dokgiparang dongani gimin silk kil•dingko tarianio Ri Bhoi a•jaan Meghalaya a•doko mongsonggipa biap ong•enga ine janapatengon, indita bilsirangna kam ka•giparang neng•bee kamrangko ka•engoba man•gnirangde komiskaengani gimin a•dok sorkari, uamangni kamrango dakchakanirangko on•na jotton ka•enga ine Chief Minister aganaha.
Ia Sai Lum karkanara, Wallambok Pyngrope minggipa chadambeni karkana ong•a aro ia karkanako ua an•tangni tangka paisa baksana PRIME Meghalaya aro NECTAR-ni dakchake on•gipa gong crore 1.20 tangkarangchi kuliaha.
Na·simang iakoba nina man·gen:
Na·simang iakoba poraina man·gen: 2027 National Games-na Tura-o me·chik robol kal·giparangko sandina a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Bhoi #ajani #Bhoirymbongo #Eri #Yarn #Manufacturing #Unitko #oprake #ona
