Shillong, Jun 26: Sukrobar salo, Meghalaya sorkarini Agriculture & Farmers Welfare Department, IFOAM-Organics Asia baksa nangrime, Women Farmers & Sustainable Organic Agriculture-ni bidingo International Conference-ko Shillong songjinmani State Convention Hall-o ong•atangaha aro ia conference-ko ong•atanio, Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia international conference-ko ong•atanio, KfW aro IFOAM-ni official-rangko man•chape, India aro gipin a•songni delegate-rangba bak ra•angtokaha.
Ia tom•bimonganio a•dokni Chief Minister, jinmana aganprakangengon, game ge•e cha•giparangni namgnina aro pangkamgipa gama ge•ani cholrangko ra•gatna sorkarini ka•enggipa kamrangni gimin aganangaha.
Batanggimin bilsichetni gisepo a•dok sorkari, gama ge•ani kamrangko mangrakbatatna aro game ge•e cha•enggiparangko, mongsongbate me•chikrangko mikkango done kamrangko ka•aha ineba Chief Minister aganaha.
Meghalaya a•doko me•chikrangan a•a-chia aro gama ge•anirango nokgiparang ong•e, mongsonggipa daitoko ka•engani gimin talataniko on•angengon, iandake me•chikrangni nokgipa ong•ani daitoko jako ra•aniara, gama ge•ani kamrango on•kangna aro pangkamgipa ong•na cholrangko on•a ine Sangma aganaha.
Ia dakbewalko a•gilsak gimikon daksningna gita ning•tue am•sandianirangko dake nichinaba Sangma ku•pattiangaha.
Meghalaya a•doko gama ge•ani bewalrangko talate on•angengon, gipin biaprango gama ge•ani bewalrangko ja•rikana bate a•doko joltangni bilrangon pangchake, gama ge•anirangko daka ine Chief Minister aganaha.
A•doko self help group aro farmer producer organization gita dakgipa dolrangko songo noko bikotna cholko on•anichi sorkari, songadam nokadamrango janggi tangani cholrangko on•na man•aha ineba Chief Minister aganaha.
Joltango, mongsongbate salgro salaram jolrango gama ge•ani bewalrangko ripinge rakkina nangengani gimin janapangengon, gama ge•ani kamrango nambate chu•sokna gita jatni u•i-ma•siani baksana gital kolrangko brine jakkalna nangani gimin Chief Minister aganangaha.
Iana skang, Meghalaya a•dokni Agriculture Minister Timothy D Shira, ia International Conference-ona re•bagiparangko aganprakanichi rimchaksoaha.
Na·simang iakoba nina man·gen:
Na·simang iakoba poraina man·gen: KZC, Kuki-Zo jatrang sak 6 Naga rim·srukanga man·giparangko so·otanio jak donga ine ku·rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Women #Farmers #Sustainable #Organic #Agricultureni #Intl #Conferenceo #bak #raa
